КУБОК ЮБИЛЕЙҒА АРНАЛДЫ

Иптәштәрсә хоккей матчын Ишембай районы муниципаль районы хакимиәте башлығы Азат Ишемғолов асты. Командаларҙың барыһына ла лайыҡлы уйын теләп, башҡорт нефтенең 90 йыллығы менән ҡотланы.

Хоккей - иң мауыҡтырғыс спорт төрҙәренең береһе. Уйын тәүге минутынан уҡ көсөргәнешле башланды, хоккейсыларҙы ла көйәрмәндәр һәр саҡ дәртләндереп, алҡышлап торҙо. Трибунала шау-шыу матч тамамланғансы тынманы. Һәр команда еңеү өсөн тырышты.

- Уйын башҡорт нефтенең 90 йыллығына арналды. Еңеүгә ынтылыш ҙур. Байрам беҙҙеке, шуның өсөн беҙ еңергә тейеш, - тине “Башнефть-Добыча” яуаплылығы сикләнгән йәмғиәтенең «Ишембайнефть» нефть һәм газ сығарыу идаралығы начальнигы Валерий Горбатов.

- Беҙ Ишембай районы муниципаль районы хакимиәте исеменән сығыш яһайбыҙ. Бындай уйындар йыл һайын үтә һәм беҙ уйын һайын осрашабыҙ. Еңеүгә өмөт ҙур, - тине Рәсәй геройы А.В.Доставалов исемендәге кадет корпусы директоры Александр Медведев.

Көсөргәнешле алышта «Башнефть-Добыча» яуаплылығы сикләнгән йәмғиәтенең «702» командаһы еңеү яуланы. Уйынсылар был спорт сараһында иҫтәлекле датаны ла данланы, дуҫлыҡты ла нығытты.