ЙҮГЕРЕКТӘР БЕҘҘӘ ИКӘН УЛ!

Уҙған шәмбе саңғы базаһында “Милләттәр кросы” Бөтә Рәсәй йүгереү көнө сиктәрендә “Алтын көҙ” еңел атлетика ярыштары уҙҙы.

Спорт байрамында ауыл Советтары, уҡыу йорттары, предприятиелар, ойошмалар - барлығы 732 кеше ҡатнашты. Быйыл “Милләттәр кросы”на “Витязь”, “Инман” акционерҙар йәмғиәттәре хеҙмәткәрҙәре лә ҡушылды. Күмәк стартта барлыҡ мәктәптәр һәм балалар баҡсалары ҡатнашты. Ярыш һөҙөмтәләре буйынса урындар түбәндәгесә: ауыл Советтары араһында 1-се урынға Петровск ауыл Советы лайыҡ булды, ике 2-се урынды Көҙән һәм Һайран ауыл биләмәләре алды. Уҡыу йорттары араһында тәүге өс баҫҡысҡа Ишембай нефть колледжы, Ишембай һөнәрселек колледжы һәм ӨДАТУ-ның Ишембай филиалы күтәрелде. Предприятиелар араһында 4-се торлаҡ-эксплуатация участкаһы – 1-се, “Электр селтәрҙәре” предприятиеһы – 2-се, Ишембай берҙәм заказсы дирекцияһы 3-сө булды. Ойошмалар һәм учреждениелар араһында 1-се урынды мәғариф бүлеге яуланы, 2-се һәм 3-сө урындарҙы мәҙәниәт бүлеге һәм йәштәр советы бүлеште.