Бөтә яңылыҡтар
Аш-һыу
18 Май , 12:00

"ЯЛҠАУҘАРСА НАПОЛЕОН" ТОРТЫ

Ғәләмәт тәмле торт менән яҡындарыбыҙҙы һыйлайыҡ әле. Уны бит хатта бешерергә лә кәрәкмәй, әҙерләү өсөн дә 20 минут ҡына ваҡыт китә!

"ЯЛҠАУҘАРСА НАПОЛЕОН" ТОРТЫ
"ЯЛҠАУҘАРСА НАПОЛЕОН" ТОРТЫ
Ингредиенттар:
 
* 800 гр "Ушки" тип аталған печенье

* 1 литр һөт

* 4 йомортҡа

* 150 гр май

* ярты стакан шәкәр

* 6 аш ҡалағы он

* тәменә ҡарап ванилин.
 
Әҙерләү:
 
Башта он, йомортҡа, шәкәр һәм ванилинды ҡушып яҡшылап бутайбыҙ. Өҫтөнә һөт ҡойоп, утҡа ултыртабыҙ.

Кремды болғай-болғай ҡуйырғансы бешерәбеҙ. Унан уттан алабыҙ ҙа һыуынғанын көтәбеҙ. Инде йылымыс ҡына булғас, аҡ май ҡушып болғайбыҙ.
 
Хәҙер инде торт яһарға ҡалды. Печеньены кремға манып, әҙер формаға теҙеп һалабыҙ. Шул уҡ ваҡытта кремы ни тиклем күберәк булһа, торттың шул тиклем тәмле килеп сығырын онотмайбыҙ.
 
Иң өҫтөнә ҡалған кремды матурлап һылайбыҙ ҙа, печенье онтағы һибеп сығабыҙ.
 
Ауыҙҙа иреп торған, иҫ китмәле кремлы тортыбыҙ әҙер!
 
Ашығыҙ тәмле, өҫтәлегеҙ йәмле булһын!
 
 
 
Автор:Гөлнора Йәмилева
Читайте нас в