Бөтә яңылыҡтар
Аш-һыу
14 Апрель , 15:00

«Тәмлекәс» салаты

Был салатҡа 150 гр колбаса, 90 гр сыр (плавленый), 1 ҡыяр, 2 йомортҡа, 3-4 аш ҡалағы консерваланған борсаҡ, 80-100 гр майонез, самалап тоҙ кәрәк.

«Тәмлекәс» салаты
«Тәмлекәс» салаты

Салат өсөн аҙыҡ-түлек йыйылмаһы әҙерләйбеҙ. Йомортҡаларҙы 8-10 минут буйына өйрөлтөп ҡайнатабыҙ, һалҡын һыуҙа һыуытабыҙ. Колбаса, ҡыяр, йомортҡаны ҙур булмаған кубиктар формаһында киҫәбеҙ.

Сырҙы эре ҡырғыстан үткәрәбеҙ. Сырҙы үткәреү еңелерәк булһын өсөн уны 15 минутҡа морозильникта тоторға мөмкин. Борсаҡты һыуынан һөҙөп алып массаға ҡушабыҙ. Майонез һалып барыһын да бергә бутарға ғына ҡала.

 

Фото асыҡ сығанаҡтарҙан

Автор:Гөлнора Йәмилева
Читайте нас в