Кокос яратыусылар өсөн бик тәмле печенье килеп сыға. Он бөтөнләй кәрәкмәй. Тышы кетерләп торһа, эсе йомшаҡ ҡына.
Әҙәрләү өсөн 400 гр кокос юнысҡыһы (кокосовая стружка), 4-5 йомортҡа, 1,5 ст шәкәр кәрәк буласаҡ.
Бөтә аҙыҡтарҙы бергә ҡушып туғыйбыҙ. Был массанан грек сәтләүегеләй түңәрәктәр әүәләп, пергамент ҡағыҙға теҙәбеҙ. Духовканан йыраҡ китмәгеҙ, тиҙ бешеп сыға. Алдан ҡыҙҙырып алынған духовкала 180 градуста 25-30 минут тирәһе тоторға. Татлы печенье мотлаҡ барыһына ла хуш киләсәк.