Алма һәм сливанан ҡаҡ

Әҙерләү өсөн: 3 кг алма, 3 кг слива, 0,5 кг шәкәр кәрәк.

Алмаларҙы һәм сливаларҙы емештәренән таҙартып алырға, кәстрүл төбөнә бер стакан һыу һалып, һүрән утта 10 -15 минутҡа бешерергә ҡуйырға. Әлеге масса һыуынғас, иләктән һөҙөп, шәкәр өҫтәгәндән һуң, 5 минут утҡа ҡуйып алырға. Унан таҡталарҙы үҫемлек майы менән майлап, ҡаҡты тигеҙ итеп йәйергә, ҡояшҡа йәки духовкаға киптерергә ҡуйырға.

Ҡаҡ ҡышҡылыҡҡа, ғәҙәттә шулай әҙерләнә. Алма менән ҡыҙыл миләш, алма менән ҡара миләш, алма менән балан ҡағы ла шундай күләмдә эшләнә.