Торатау
+8 °С
Болотло
VK
Ышаныс телефондары
OK
Бөтә яңылыҡтар
Аш-һыу
20 Декабрь 2018, 04:00
Йылҡының эс-ҡарынынан бөйөрөктәр
Йылҡының эс-ҡарыны һәм үҙенсәлекле ҡамырҙан бик тәмле бөйөрөктәр (пирожки).
ҠАМЫР:
- 3 аш ҡалағы он
- 3 аш ҡалағы көнбағыш майы
- 1 аш ҡалағы шәкәр
- 1 балғалаҡ тоҙ
Әҙерләү:
1. Ошо ҡатмашмаларҙы бергә ҡушып, 1 стакан ҡайнар һыу менән яҡшылап болғайбыҙ.
2. Әҙер ҡатнашманы һыуытҡас, + 1 стакан йылы һыу өҫтәйбеҙ + 1 йомортҡа + 2 балғалаҡ тултырмай ғына ҡоро сүпрә (дрожжи) + 4-5 стакан тирәһе он. Йомшаҡ ҡына итеп ҡамыр баҫабыҙ.
4. 40 минут самаһы ҡабартып алабыҙ.
Бөйөрөктәр эшләгәндә матур итеп йәбешеп торған, йомшаҡ, тәмле ҡамыр килеп сыға.
ЭСЛЕК:
Эслеккә нимә һалһағыҙ ҙа ярай. Мин ҡаҙы (ҡаҙылыҡ) эшләй белмәгәс, эс-ҡарынды, эсәктәрҙе үткәреп, тоҙ, борос, тәмләткестәр ҡушып, табала һуған менән ҡыҙҙырып алдым. Һыуынғас ҡына бөйөрөктәргә һалырға. Бындай ҡамырҙы майҙа бешерергә лә була, әммә үтә майлы булыр, тиһәгеҙ, 180 градуслы духовкала 30-35 минут бешерергә мөмкин.
Йылҡының эс-ҡарыны бик тәмле була. Хатта майлы тойолһа ла, зыянлы түгел. Халҡыбыҙ һуғым өсөн юҡҡа ғына йылҡы малына өҫтөнлөк бирмәгән!
Әгәр һыйыр малының эс-ҡарынынан эшләһәгеҙ, әҙ генә ҡаҙ майы ҡушығыҙ. Телде йоторлоҡ тәмлекәстәр йылы көйө үк "йәлп" итеп ҡаласаҡ.
Аштарығыҙ тәмле, өйөгөҙ йәмле, тормошоғоҙ бәхетле булһын, дуҫтарым!
Фото: автор.
https://vk.com/id56794643
Читайте нас: