+20 °С
Ясна
Новости
2 Декабрь 2021, 11:45
Башҡортостанда “Һанлы мультимедиалы мәктәп”тең тәүге сығарылышы булды
Ошо көндәрҙә Республиканың Матбуғат һәм киң мәғлүмәт саралары агентлығы менән Башҡортостан дәүләт хеҙмәте һәм идара итеү академияһы булдырған Медиа-мәктәптә район-ҡалаларыбыҙҙан 80 журналист уҡып, квалификацияларын күтәреү тураһанда таныҡлыҡтар алды.
Башҡортостанда “Һанлы мультимедиалы мәктәп”тең тәүге сығарылышы булды
“Һанлы мультимедиалы мәктәп”тә 8 көн дауамында республика, район һәм ҡала баҫмалары мөхәррирҙәре һәм хәбәрселәре һанлы журналистика алымдарына өйрәнделәр.
Журналистарҙы “АиФ” гәзитенең баш мөхәррире урынбаҫары Индира Котзасова, “Ишь-Миш” контент-бюроһы етәксеһе Михаил Пономаренко, “Журналист һәм медиабаҙар” федераль журналының баш мөхәррире Владимир Касютан, СТС телеканалының СНГ илдәре буйынса контент директоры Әлфиә Байбурина, “Тик-ток без танцев” китабы авторы Ренат Йәнбәков, республиканың Матбуғат һәм киң мәғлүмәт саралары агентлығы етәксеһе урынбаҫары Зөһрә Сәйетҡолова һәм башҡа белгестәр уҡытты.
-Медиа-мәктәпте тамамлаусыларҙан, тәү сиратта, алынған белемдәр ярҙамында яңы интернет-майҙансыҡтарын үҙләштереүҙәрен, булған аудиторияны арттырыуҙарын көтәбеҙ, - тине Башҡортостан Республикаһының Матбуғат һәм киң мәғлүмәт саралары агентлығы етәксеһе Максим Ульчев. Уҡыу аҙағында Максим Владимирович медиакурс мәктәбе уҡыусыларына танытма тапшырҙы.
Медиа-мәктәп матбуғатҡа яҙылыусылар, уҡыусылар һанын арттырырға, шулай уҡ “Бәйләнештә”, Инстаграм, “Класташтар”, Телеграм, Тик-ток һәм башҡа заман платформаларында үҙебеҙҙе күрһәтергә ярҙам итер, тип өмөтләнәбеҙ.
