+10 °С
Дождь
Новости
31 Июля 2023, 10:00
Ҡот осҡос фажиғә: Марий Элда ғәрәсәт ваҡытында Башҡортостандан әсәнең һәм ике сабыйҙың ғүмере өҙөлгән
Яҡынса мәғлүмәМарий Элда ҡурҡыныс фажиғә булған. «Марий Чодра» милли паркындағы Яльчик күлендә ҡупҡан дауыл һөҙөмтәһендә туристарҙың палатка лагерына ағастар ҡолаған. Республиканың Ғәҙәттән тыш хәлдәр министрлығы хәбәр итеүенсә, 27 кеше яраланған, етәүһе үлгән, улар араһында өс бала бар.ттәр буйынса, уларҙы 1 августа Стәрлебаш ауылында ерләйҙар. Мәрхүмә әсәне һәм уның балаларын алып ҡайтып ерләү өсөн аҡса йыя башлағандар.
Ҡот осҡос фажиғә: Марий Элда ғәрәсәт ваҡытында Башҡортостандан әсәнең һәм ике сабыйҙың ғүмере өҙөлгән
Һәләк булғандар иҫәбендә —Башҡортостандың Стәрлебаш районында тыуып үҫкән 32 йәшлек Гөлнара С. һәм уның ике кескәй балаһы. Өлкәне — ике йәштә, икенсеһе ике айлыҡ ҡына. Ғаилә Ҡазанда йәшәгән, Гөлнара Аҡмулла исемендәге Башҡорт дәүләт педагогия университетын тамамлап, Татарстан Фәндәр академияһының халыҡ ижады бүлеге ғилми хеҙмәткәр булып эшләгән.
Яҡташыбыҙҙы һәм уның балаларын 1 августа Башҡортостандың Стәрлебаш ауылында ерләйҙәр.
Гөлнараның ире әлеге ваҡытта ауыр хәлдә Волжск дауаханаһында ята.
Стәрлебаш районы башлығы Рөстәм Рахманғолов хәбәр итеүенсә, һәләк булған әсәне һәм уның сабыйҙарын алып ҡайтып ерләү өсөн аҡса йыйыу иғлан ителгән. Реквизиттар: 4276 0600 1429 2828, Һаҡлыҡ банкы картаһы. Алыусыһы: Рима Фәрит ҡыҙы Я. (Гөлнараның әсәһе).
Тәфтиш комитеты енәйәт эше ҡуҙғатҡан.
Фото:социаль селтәрҙәр
