+18 °С
Дождь
Новости
10 Апреля 2023, 08:00
Республикала 15 миллион ағас һәм ҡыуаҡ ултыртыла
Башҡортостан Башлығы Радий Хәбиров социаль селтәрҙәге сәхифәһендә «Йәшел Башҡортостан» экологик акцияһына әүҙем әҙерлек эше хаҡында хәбәр итте. Был акция 22 апрелдән 13 майға тиклем ойошторола.
Республикала 15 миллион ағас һәм ҡыуаҡ ултыртыла
22 апрелдән 22 майға хәтлем республика дүртенсе тапҡыр «Хәтер баҡсаһы» халыҡ-ара акцияһына ҡушыла. Уның барышында республикала геройҙар – Бөйөк Ватан һуғышында һәм махсус хәрби операцияла ҡатнашыусылар хөрмәтенә аллеялар асыла. Урмансылар үҫентеләрҙе ултыртырға әҙерләй башлаған да инде.
«Шишмә районындағы Торахан кәшәнәһе эргәһендә яңы майҙансыҡ булдырыла. Быйыл тотош республикала – урмандарҙа, ҡалаларҙа һәм ауылдарҙа йәмғеһе 15 миллион ҡыуаҡ һәм ағас ултыртабыҙ. Барығыҙға ла уңыштар!», – тип яҙған Радий Хәбиров.
