Ишембай йәмиғ мәсетендә байрам ғәйете үтте

Халыҡ һәр ваҡыттағыса күп булды: мәсеткә иртә таңдан өлкәндәр ҙә, балалы йәш ғаиләләр ҙә килде.

Байрам намаҙы күтәренке рухта үтте. Намаҙға тиклем халыҡ дини вәғәздәр тыңланы, бер-береһе менән аралашты, хәйер һалды.

- Барығыҙҙы ла ошо күркәм байрам менән ҡайнар ҡотлайым. Аллаһы Тәғәлә барыбыҙға ла сикһеҙ мәрхәмәтен күндерһен, ИншаАллах. Яҡындарыбыҙға, халҡыбыҙға, милләтебеҙгә тыныслыҡ, именлек бирһен, үҙенең сикһеҙ рәхмәттәренән айырмаһын, - тип өндәште йыйылыусыларға Ишембай йәмиғ мәсете имам-хатибы Илнур хәҙрәт Ғиниәтуллин.

Ул изге айҙа ғына түгел, башҡа ваҡытта лә яҡшылыҡ ҡылырға, башҡаларға ҡарата мәрхәмәтле булырға саҡырҙы. Намаҙ тамамланғандан һуң халыҡ тәмле былау менән һыйланды.

Рамаҙан айы хәйерле үтте. Киләһе Рамаҙан айҙарын да күрергә яҙһын. Ил-донъяларыбыҙ тыныс, имен, тормоштарыбыҙ мул булһын! Ураҙа байрамы мөбәрәк булһын!

Автор фотолары һәм видеоһы.