Бәхетле булһын бала саҡ

Йәш яҙыусы әҙәбиәткә битараф булмағандарҙың барыһыны ла яҡшы таныш. Урыҫ, татар, сыуаш телдәренә лә тәржемә ителгән автобиографик повесын тетрәнмәйенсә, күҙ йәштәрһеҙ уҡыу мөмкин түгел. Ысынлап та, әҫәр бер тынала уҡыла. Унда тәрән дөрөҫлөк, әсе хәҡиҡәт ярылып ята, сөнки һәр китап үҫмер күңеленән үткәргән ваҡиғаларға нигеҙләнеп яҙылған. Әҫәр геройы Ильяс күп ауырлыҡтар, ҡайғы-һағыштар кисерә.

Алина Ғиззатова һәм Гөлсөм Абдуллина кисәбеҙҙе йөкмәткеле итеп алып барҙы. Уҡыусылар "Ҡалдырма, әсәй!", “Урам малайҙары” әҫәрҙәре буйынса төрлө өҙөктәр сәхнәләштергәйне. Күмәк сәхнә күренештәрендә ҡатнашыусы балалар ҙур оҫталыҡ менән уйнаны. Ильяс ролен Илнур Ҡарамышев, апаһы Әлиәне Дияна Йомағужина, Ильястың яҡын, серҙәш дуҫы Фәрит ролен Ринат Яхин, отҡор ҡыҙ Әмиләне Лилиә Бакирова, уҫал, мәрхәмәтһеҙ балалар йорто директоры директоры Мәүлиҙә Нурғәлиевнаны Зөлфирә Таһирова, бәғерһеҙ тәрбиәсе Рәйфәне Миңһылыу Әхмәрова, уҫаллығы менән яманаты сыҡҡан Даянды – Юлдаш Тимербулатов, тәрбиәсе Сәйҙә ролен Рәмзиә Мораҙымова, тәрбиәләнеүсе балалар ролендә Зарифа Дәүләтҡолова, Илүзә Солтанова, Илгинә Алтынбаева, Нурсилә Садыҡова, Руфина Хабибуллина, Рәсүл Лоҡманов башҡарҙы. Тамашасыларҙың ихлас ҡул сабыуҙары улар өсөн ҙур баһа булды. дәрт өҫтәне.