Гөрләп үтте һабантуй

Ишембай районы халҡының шатлығын уртаҡлашырға мәртәбәле ҡунаҡтар ҙа килеп етте. Улар халыҡты һабан байрамы менән ҡотлап, ауыл хеҙмәтсәндәренә намыҫлы, еңел булмаған эштәренә тоғро булыуҙары, тыуған ерҙәрен һөйөүҙәре өсөн рәхмәт белдерҙе.

Матур йола буйынса һабантуйҙың тантаналы өлөшөндә алдынғы ауыл хужалығы хеҙмәтсәндәре тәбрикләнде.

Ялан буйлап теҙелешеп киткән тирмәләр үҙҙәренең биҙәлеше менән береһенән-береһе бай, сағыу, үҙенсәлекле булды. Ауыл биләмәләрҙең һәр береһе ҡунаҡсыллыҡ өлгөһөн күрһәтте.

Милли көрәш, ат сабышы һәр ваҡыттағыса үҙенә иң күп тамашасыны йыйҙы. Келәмдә Айнур Кинйәбаевҡа етеүсе булманы. Тап ул һабантуйҙың абсолют чемпионы исемен алды.

Һабантуйҙан тулы репортажды гәзиттең киләһе һанында уҡырһығыҙ.

Гөлнур Артыҡаева фотолары һәм видеоһы.