Быйыл телевизион проекттың һайлап алыу турында Башҡортостандан, Татарстандан, Мәскәүҙән, Екатеринбургтан, Силәбе һәм Ырымбур өлкәләренән ике меңдән ашыу бала ҡатнашты. Конкурстың финалына 500 йәш бейеүсе сыҡты.
Ишембай районы Кинйәбулат ауыл мәҙәниәт йортоноң "Шаяндар" өлгөлө бейеү ансамбле солистары Амелия Ғәлимова менән Искәндәр Дәүләтов уңышлы сығыш яһап, "Дуэт" номинацияһында өсөнсө урын алды. Етәкселәре - Эльвина Мырҙагәрәева. Әйткәндәй, был йәш бейеүселәрҙең "Байыҡ" конкурсындағы икенсе еңеүе!
Талантлы яҡташтарыбыҙҙы ихлас ҡотлайбыҙ!
Фото Дәүләтовтар ғаиләһе архивынан