ИЗГҼЛЕККӘ ЮРАЙЫҠ

Бер-беребеҙҙән йылмайып,
Иҫәнлектәр һорайыҡ.
Йылмайыуҙы, йылы һүҙҙе
Изгелеккә юрайыҡ.

Кеше күңеле бик йомшаҡ,-
Иғтибарға урайыҡ.
Һәр бер һүҙҙе, һәр теләкте
Изгелеккә юрайыҡ.

Күңел ҡалдырырлыҡ һүҙҙе
Шаяртыуға борайыҡ,
Өгөттәрҙе, кәңәштәрҙе
Изгелеккә юрайыҡ.

Күпме кеше яныбыҙҙа-
Ярҙам итеп торайыҡ.
Иткән, алған ярҙамдарҙы
Изгелеккә юрайыҡ.

Һаҡлайыҡ бер-беребеҙҙе,
Күңелдәрҙе ҡырмайыҡ,
Матур эштәр эшләйек тә,
Изгелеккә юрайыҡ!

Фото: https://unsplash.com/