Аяҡ салды бөгөн берәү,
Икенсеһе яла яҡты -
Кәйефемде төшөрмәйем:
Йәшәү матур, донъя яҡты!
Үс алырға дошманынан
Хыяллана оло, кесе –
Мин ышанам барлығына
Ғәҙеллектең сихри көсө.
Үсләшмәйем рәнйетһәләр,
Әрәм итеп йөрәк көсөн,
Иҙеп-һылап ҡуйыр әле
Тормош үҙе минең өсөн!
Йәнем тыныс, йөҙөм яҡты,
Шат йылмайып атлап киләм,
Бар донъяла юғары көс –
Ғәҙеллек бар – шуны беләм!
Фото: https://unsplash.com/