Бөтә яңылыҡтар
Мәҙәниәт
20 Июнь , 11:00

Фестивалдән еңеү менән

Балалар һәм үҫмерҙәр ижад һарайының “Хазина” башҡорт халыҡ музыка ҡоралдары ансамблендә шөғөлләнгән яҡташыбыҙ Ева Баһауетдинова “Тылсымлы музыка һулышы” төбәк-ара милли музыка ҡоралдары фестивалендә еңеү яуланы.

Фестивалдән еңеү менән
Фестивалдән еңеү менән

Фестивалде Мәскәү милләттәр йорто ойошторҙо. Сара планеталағы иң боронғо музыка ҡоралдарының береһе - варганға арналды. Башҡортостанда уны - ҡумыҙ, Алтайҙа - ҡамуз, Яҡутстанда хомус һәм башҡалар тип йөрөтәләр.

- Фестивалдең конкурс программалары онлайн уҙғарылды. Ева Баһауетдинова ҡумыҙҙа “Ауыл иртәһе” импровизацияһын башҡарҙы, унда урман шаулауын, ҡоштар
һайрауын, ат тояҡтары тауышын ишетергә мөмкин ине. “Музторг” магазиндар селтәренең өс мең һумлыҡ сертификатын алып, ҡыҙ 6-12 йәш категорияһында еңеүсе булды, - тине “Хазина” берләшмәһе етәксеһе Айгөл Миңлеғолова.

Автор:Гөлнора Йәмилева
Читайте нас в