Еңеүселәр билдәле! Ҡотлайбыҙ!

Бөгөн матур байрам – Әсәйҙәр көнө билдәләнә. Донъялағы иң ҡәҙерле кешебеҙгә иғтибар, ихтирам күрһәтеү байрамы ла ул. Һәр кемгә үҙенең әсәһе иң яҡыны, иң ҡәҙерлеһе. Уларға әйткән рәхмәтебеҙ ҙә, йылы һүҙҙәребеҙ ҙә һис ҡасан артыҡ булмай. Күңел наҙын бер ниндәй матди бүләктәр ҙә алмаштырмай.

Төркөмөбөҙҙә иғлан иткән "Рәхмәт, әсәйем!" фотоконкурсында районыбыҙҙың төрлө ауылдарынан күп бала үҫтергән, уларға матур тәрбиә биргән, башҡаларға өлгө булған алтмыштан ашыу әсәй ҡатнашты.

Конкурсыбыҙ тамам, иң күп тауыш йыйған өс ҡатнашыусы асыҡланды. Ишембай ҡалаһынан Динара Галеева 451 тауыш менән еңеүсе булды! Ишембайҙан Фәрзәнә Фараева - икенсе урын (444 тауыш), Хажы ауылынан Нәзифә Ғәлиаскарова өсөнсө урын (413 тауыш) алды. 

Яҡташтарыбыҙҙы бүләктәр көтә, шулай уҡ "Торатау" гәзите биттәрендә бик матур мәҡәләләр ҙә донъя күрәсәк. 

Еңеүселәрҙе бүләкләү өсөн 3 декабрь 14.00 сәғәттә редакциябыҙға саҡырабыҙ (Ишембай ҡалаһы, Совет урамы, 88, 3-сө ҡат).

Махсус ҡушымта ярҙамында ойошторолған тауыш биреүҙә барлығы 4584 төркөмдәшебеҙ ҡатнашты. Тырыш, һәр яҡлап та уңған, иң игелекле, изгелекле, яҡты күңелле әсәйҙәрҙең һәр береһе маҡтауға, һоҡланыуға лайыҡ! Улар өсөн тауыш биреүселәргә лә ихлас рәхмәт!

Беҙҙең МАХ каналына https://max.ru/gazeta_toratay ҡушылығыҙ!