Рауза апай үҙе Стәрлебаш районынан. Аҙнайға килен булып төшөп, хәҙер инде 40 йыл ошо ауылда төпләнеп, тормош иптәше менән донъя көтә.
- Гәзиткә бер ҡалмай яҙылабыҙ. Килгәнен көтөп кенә торабыҙ. Элек тә бәләкәй бүләктәр эләгә торғайны. Әле бүләк отоуым тураһында иң беренсе үҙем гәзиттән уҡып белдем. Бүләк алыу, әлбиттә, ҡыуаныслы, - тине Рауза Хәкимова.
Гәзит уҡыусыбыҙ менән күрешеп, һөйләшеү үҙе бер ғүмер. Оло кешенең теләк-кәңәштәре лә күңелгә шифа:
- Беҙҙе бәләкәйҙән әсәй-өләсәйҙәребеҙ булғанына ҡәнәғәт булырға өйрәтеп үҫтерҙе. Шөкөр, тормошобоҙ матур, иң мөһиме илдәр, донъялар тыныс торһон, ауырыуҙар тиҙерәк бөтһөн, -тине әңгәмәсебеҙ.
Кемдәргә был юлы бүләк эләкмәгән, күңелегеҙҙе төшөрөп ҡуймағыҙ. Алдағы ярты йыллыҡта ла бүләк отош ойошторолор. Иң мөһиме барыбыҙ ҙа иҫән-һау булайыҡ.
Автор фотоһы.