Кадеттар һынау үтте

Уҡыу-ялан йыйыны кадеттарҙы үҙаллы дисциплинаға өйрәтеүгә, физик яҡтан камиллашыуға, илһөйәрлек һәм гражданлыҡ рухын нығытыуға, хәрби һөнәрҙәргә ҡыҙыҡһыныуҙарын арттырыуға булышлыҡ итә. Аҙна буйы улар тактика, атыш, сафта йөрөү, хәрби-медицина буйынса һәм физик әҙерлек үтте. Йыйынды ябыу көнөндә хәрби алыштар ветерандары, кадет корпусы етәкселеге һәм уҡытыусылары норматив үтәгәндә юғары һөҙөмтә күрһәткән кадеттарға грамоталар һәм татлы бүләктәр тапшырҙы. 

Кадеттар ҡуйылған маҡсаттарға ирешеп, үҙҙәрен сыҙамлы, көслө, ҡыйыу һәм шул уҡ ваҡытта дуҫ, берҙәм команда итеп күрһәтте.

Фотолар Башҡорт кадет корпусы архивынан.