Тантаналы линейкала сәләмләү һүҙҙәре һәм изге теләктәр менән мәктәп директоры Шайморат Ғиниәтуллин, Байғужа ауыл биләмәһе хакимиәте башлығы Салауат Йосопов, класс етәкселәре Светлана Мифтахова сығыш яһаны.
- Бөгөн мәктәбебеҙҙә шатлыҡлы көн, уҡыусылар мәктәп тупһаһынан оло тормош юлына сығалар. Ҡайҙа ғына йөрөһәгеҙ ҙә, һәр ваҡыт илебеҙҙең илһөйәр ул һәм ҡыҙҙары булып ҡалығыҙ – иң ҙур теләк шул, - тине Салауат Дамир улы.
Үҙ өгөт-нәсихәттәре менән уҡыусыларҙың тәүге уҡытыусылары, ата-әсәләре һәм, әлбиттә, быйыл беренсе класҡа уҡырға киләсәк кескәйҙәр мөрәжәғәт итте.
Бынан тыш, бөгөнгө көн 4-се класты тамамлаусы 13 бала өсөн дә иҫтәлекле булды. Улар тәүге уҡытыусылары Гүзәл Таштимерова менән хушлашып, сентябрҙә 5-се класҡа уҡырға киләсәк.
Уҡыусылар! Дәүләт имтихандарын уңышлы тапшырып, донъяла юғалып ҡалмаҫҡа һәм үҙ урынығыҙҙы табыуығыҙҙы теләйбеҙ!
Байрамдан тулы мәҡәләне гәзиттең киләһе һанында уҡығыҙ.
Автор фотолары һәм видеоһы.