Хөрмәтле уҡытыусылар, тәрбиәселәр һәм педагогик хеҙмәт ветерандары!

Уҡыусыларығыҙҙың һәр береһе - һеҙҙең йомарт күңелегеҙҙең, мөхәббәтегеҙҙең һәм түҙемлегегеҙҙең бер өлөшө. Көн һайын, дәрестәрҙә һәм шәхси аралашыуҙа, һеҙ үҫеп килгән быуынды изгелек менән яуызлыҡты асыҡларға, намыҫлы булырға, өлкәндәрҙе ихтирам итергә, тыуған яҡты яратырға өйрәтәһегеҙ. Тап һеҙ рухи яҡтан үҫешкән, белемле йәштәр үҫтерәһегеҙ, улар иртәгә кесе ватаныбыҙҙың, тыуған республикабыҙҙың, бөтөн Рәсәйҙең яҙмышын билдәләйәсәк.

Хөрмәтле мәғариф хеҙмәткәрҙәре, һеҙҙе был матур байрам менән ҡотлайым! Ысын күңелдән һеҙгә һаулыҡ, бәхет, рух күтәренкелеге, маҡсатҡа ынтылышлы һәм рәхмәтле уҡыусылар, мәғариф өлкәһендә яңы уңыштар теләйем!

А.А. ИШЕМҒОЛОВ, Ишембай районы муниципаль районы хакимиәте башлығы.

Фотолар редакция архивынан