Ишембайҙар ГТО тапшырҙы

Сарала ҡала мәктәптәре уҡытыусылары, Ишембай ҡалаһының күп функциялы үҙәге филиалы, муниципаль район хакимиәте, Федераль һалым хеҙмәтенең Башҡортостан буйынса 25-се район-ара инспекцияһы, “Витязь” машиналар эшләү компанияһы хеҙмәткәрҙәре ҡатнашты.

- Бөгөн ГТО нормативын тапшырырға теләүселәр бик күп, яҡынса 70 кеше. Хәҙер туғыҙ төрҙө түгел, ә алты төрҙө тапшырабыҙ. Һөҙөмтәләр 30 июндән һуң билдәле буласаҡ, - ти 4-се Ишембай спорт мәктәбенең инструкторы Дилә Иманғолова.

Спорт яратыусылар үҙҙәренең мөмкинлектәрен тикшерҙе. Сара йомғаҡтары буйынса спорт имтиханында ҡатнашҡандар бронза, көмөш һәм алтын ГТО билдәләре аласаҡ.

Автор фотолары