Концерт та ҡаранылар, һалдат бутҡаһын да ашанылар

Унда МХО, хәрби хәрәкәттәр ветерандары, яугирҙарҙың әсәләре, предприятие хеҙмәткәрҙәре саҡырылды.

Сараны тантаналы рәүештә «Идель Нефтемаш» яуаплылығы сикләнгән йәмғиәтенең генераль директоры Айрат Фазлыев асып ебәрҙе.

- Мин 2002 йылда мобилизацияландым. Уға тиклем Салауат комбинатында эшләп йөрөнөм. МХО-ла Красно-Лиманск йүнәлешендә хеҙмәт иттем. Ҡаты яраланғандан һуң, 2005 йылда хеҙмәттән бушатылдым, - тине яҡташыбыҙ Руслан Исхаков. – Тантаналы митинг бик оҡшаны, етәкселеккә, ижади коллективтарға оло рәхмәтемде еткерәм.
Бында «Тихий» ҡушаматлы яугирҙың әсәһе менән дә танышырға тура килде.

- Улым мобилизацияға тиклем «Идель Нефтемаш» яуаплылығы сикләнгән йәмғиәтендә фрезерлаусы булып эшләне. Әле Донецк Халыҡ Республикаһында хеҙмәт итә. Яңыраҡ ҡына отпускыға ҡайтып киткәйне, - тип уртаҡлашты уның әсәһе Римма апай. – Барыһын да Еңеүҙең 80 йыллығы менән ҡотлайым, сабырлыҡ, һаулыҡ, күңел тыныслығы теләйем.

Сара һалдат бутҡаһы ашау һәм эҫе сәй эсеү менән тамамланды.

Автор фотолары.